Pasar al contenido principal
euskara

Martxoaren 24an, Errenteria eta Donostia lotuko dituzte 8.000 lagunek osatutako giza kate erraldoi batean, euskara batuak gure herriaren garapenean izan duen balioa azpimarratzeko eta euskara batuaren sorreran bultzatzaile izan zirenak oroitzeko. Ekitaldia Orereta ikastolak sustatu du, eta ikastolen jai guztiek osatzen duten “Ikastolak Herriari” egitasmoak eta Euskaltzaindiak elkarlanean antolatu dute.

Bidean, 8.226 metro eta Errenteria, Pasaia eta Donostiako hainbat kale eta plaza zeharkatuko ditu giza kateak. Euskal Herri osoko ikastola ugaritako gazte eta nerabek osatuko dute, parte hartu nahi duten herritar guztiekin batera. Antolatzaileek adierazi dutenez, parte har dezaketen herritarren kopuruak ez dauka mugarik, eta euskaltzale guztiei bertaratzeko deia ere egin diete.

Goizeko 11etan emango zaio hasiera giza kateari eta 11:30ak arte iraungo du. Une horretarako, bost gune egokituta izango dituzte antolatzaileek, horietako bakoitzean euskara batuari gorazarre egiteko ekitaldi bana egiteko.

ikastolek euskara batuari zor diotena eta euskara batuak ikastolei zor diena izango dira «Batasunaren bidean» giza katearen oinarrietako bat. Transmisioaren garrantzia irudikatzeko, ekitaldiak ikasleak izango ditu protagonista. Horregatik, izaera koloretsu eta baikorra izango du ekimenak. Egun ikasten ari diren gazte eta gaztetxoei euskara batuaren balioa helarazi, eta bera sortzeko testuinguru historikoa eta beraren bilakaera adieraziko zaizkie.

Egitaraua

  • 10:45 Giza kateari hasiera emateko ekitaldia egingo da Agirre Lehendakaria plazan, Errenterian.
  • 11:00-11:30 Giza katea osatuko dugu.
  • 11:30-12:00 Parte-hartzaileak 5 bilguneetarantz mugituko dira.
  • 12:00-12:30 Ekimenari amaiera emateko, giza kateko bidearen 5 guneetan ekitalditxoak egingo dira. Errenterian, Pasaian, eta Donostiako Herrera auzoan, Zurriola ikastolan eta Plaza Berrian.
  • 15:00 Euskaltzaindiako kideek Orereta ikastola bisitatuko dute.
  • 17:30 Ekitaldi instituzionala Errenteriako Udalaren Areto Nagusian.

Últimas noticias

2024-05-17
En la Ikastola Kirikiño hemos obtenido el Certificado de Escuela Sostenible por nuestro esfuerzo y trabajo en la Educación para la Sostenibilidad.
2024-05-10
Kirikiño Ikastola ha firmado un convenio de colaboración con Bilbao Basket para las siguientes 3 temporadas.
2024-05-08
Todas las ikastolas que formamos parte de Ikastolen Elkartea tendremos la 7ª asamblea el 22 de junio en Iruña. En ella se presentarán la hoja de ruta y los nuevos objetivos de las ikastolas de cara al futuro.