Aurten, Bilbok une berezia biziko du euskararen aldeko bi ekimen handi hartuta: Korrikaren amaiera eta Ibilaldia 2026 gure hirian ospatzea. Testuinguru honetan, Kirikiño Ikastolatik ere bat egin dugu ilusioz eta indarrez euskararen aldeko mugimenduarekin.

Azken egunotan, ikastolan Euskararen Astea ospatu dugu, eta ikasleek hainbat ekintzatan parte hartzeko aukera izan dute. Besteak beste, Korrika Txikian eta Korrika Gaztean aritu gara, beste ikastetxeetako lagunekin batera, giro paregabean eta euskararen aldeko mezua zabalduz.

Hurrengo hitzordu nagusia apirilaren 29an izango da. Egun horretan, 24. Korrika Bilbora helduko da eta Kirikiño Ikastolak bere lekukoa eramango du Enrike Ibarreta kalean (Santutxu), zubia igaro ondoren, Santutxurako noranzkoan. Gure zatia 3400. lekukoa izango da, eta komunitate osoari dei egiten diogu gurekin batera korrika egitera.

Ikasle, familia eta langileak elkartuta, Ibilaldiko arropa eta zapi urdina jantzita, giro koloretsu eta alaia sortzea dugu helburu, gure ikastolaren presentzia indartuz eta euskararekiko konpromisoa agerian utziz.

Hemen elkartuko gara: Enrike Ibarreta eta Cocherito de Bilbao kaleen arteko plazan Irudia
Eguna: Martxoak 29, igandea Elkartze ordua: 10:20 Lekukoa hartzeko ordua: 10:43  Oharra: Ibilaldiko arropa eta zapi urdina janztera animatzen zaituztegu, giroa sortu eta ibilaldiko presentzia indartzeko!	Irudia

Korrikaren amaiera Bilboko Udalean izango da, 12:15ak aldera iristea aurreikusten delarik. Ondoren, ospakizunak Alde Zaharrean jarraituko du, euskararen aldeko jai giroan.

Kirikiño Ikastolatik, berriro ere, gonbidapena luzatzen dizuegu:
etorri, parte hartu eta bizi Korrika gurekin!

Tipi-tapa, tipi-tapa… Ko-rri-ka!