Kirikiño Ikastolak hitzarmen garrantzitsu bat sinatu du S.D. Patronatorekin. Hitzarmen horren bidez, General Optica Patronato (Senior mutilak maila berezian) eta Martín Deco Patronato (errendimenduko Haur Mailako Neskak) taldeak gure kiroldegiko instalazioak erabili ahal izango dituzte haien entrenamendu eta partidu ofizialetan 2024/2025 denboraldian zehar.
Akordioa duela gutxi egindako ekitaldi batean gauzatu zen, eta bertan izan ziren Josune Bañales, Kirikiño Ikastolako lehendakaria eta Fernando Adán, Patronatoko lehendakariordea. Hitzarmen honek bierakundeek kirolarekin eta kirolari gazteen prestakuntzarekin duten konpromisoa indartzen du.
Akordio honi esker, S.D. Patronato taldeak lehen mailako instalazioak izango dituzte Kirikiño Ikastolako kiroldegian. Horrek taldearen garapenean eta errendimenduan lagunduko du denboraldian zehar. Aliantza hori funtsezkoa da jokalariek baldintza onenetan lehiatzeko aukera izan dezaten.
