ESKOLAZ KANPOKO JARDUEREN ATE IREKIAK
Aurten eskolaz kanpokoen ate irekiak antolatu ditugu: maiatzak 30 (kulturtxiki), maiatzak 31 (kiroltxiki), ekainak 6 (saskitxiki) eta ekainak 7an (eskupitxiki). Egun hauetan, hurrengo ikasturtean ikastolako eskolaz kanpoko ekintzen eskaintzaren barnean dauden jarduera desberdin batzuk frogatzeko aukera izango dute HH 3. mailatik DBH 4. mailara arteko ikasleek.
BATZAR NAGUSIA
Maiatzaren 30ean kooperatibisten batzar orokorra ospatuko dugu ikastolan 19:00etan lehenengo deialdian eta 19:30ean bigarren deialdian.
EMANALDIAK
Ikasturtea dagoeneko joaten ari zaigu eta 2021-2022-ko kanpo-jardueren amaiera-data ere badator; alegia, maiatzak 27. Kurtsoari amaiera emateko, Triki, Musika Hastapena eta Euskal Dantza taldeek emanaldiak prestatu dituzte.
IKASTOLAKO JAIALDIA
Ekainaren 4an ikastolako jaialdia ospatuko dugu. Denetarik izango dugu: umeentzako tailerrak eta puzgarriak, Tor magoaren ikuskizuna, paella txapelketa eta DJ KAKTUS-aren kontzertua.
