Datorren ikasturterako eskolaz kanpoko jardueren eskaintza prest daukagu. Aurten gure eskaintza zabaldu dugu, 6 jarduera berri gehituz, askotarikoa izan dadin eta gure ikasleen eskariei erantzun ahal izateko.
Jarduera berriak hauek dira:
- Eskupilota: Bizkaiko Eusko Pilota Federakuntzarekin elkarlanean eskupilota sustatu nahi dugu, eskupilotan adituak diren begiraleekin.
- Saskibaloia: Bilbao Basket Fundazioarekin elkarlanean gaude saskibaloia sustatzeko klubeko profesionalen eskutik.
- Margogintza/eskulana: Ekintza honetan, umearen alderdi emozionala, pertzeptiboa, intuitiboa eta analogikoa landuko da. Irudimena eta sormena lagun izango dituzte eta hainbat margoketa teknika ezberdin landuko dituzte.
- Lettering: Pintzel puntadun errotulkiekaz letrak marrazten ikasiko dute. Alfabeto, letra larri, letra txiki eta formatu desberdinak landuko dira.
- Gitarra: Kordazko instrumenturik ezagunena eta erabiliena da bere soinu bereizgarriagatik, baita musika estilo askotara egokitzen delako ere. Oso aukera ona da musika munduan lehenengo aldiz murgildu nahi dutenentzat.
- Argazkigintza: DBHko ikasleentzat eskainitako kanpo-jarduera izango da. Bertan, mugikorraren bidez argazkiak ateratzeko pausuak eta tresnak erakutsiko zaizkie.
Hemen gida osoa ikus dezakezu.
Ekintzetan izena emateko epea ekainaren 10era arte izango da Alexia Web plataformaren bidez. Informazio guztia eta izena emateko jarraibideak ere Alexiako galerietan topatuko dituzue, “Eskolaz kanpoko”en karpetan hain zuzen ere.
Fitxategiak
