Familiak seme-alaben hizkuntz gaitasunean eta erabileran duen eragina ordezka ezina da

Euskara sustatzeko sentsibilizazio saio praktikoa egin dugu. Hizkuntz bat zelan ikasten den aztertu dugu.

2022/10/26
diapositiba

Aurreko astearte arratsaldean ikastolako Euskaraz Bizi gunean familiekin bildu ginen euskarari buruzko hausnarketa saioa egiteko. Ikasleen hizkuntz gaitasunetan eragina duten faktoreak aztertu eta gure esku ditugun aukerez baliatzeko ekarpenak modu parte-hartzailean egin genituen dinamika baten bidez.

Haurrek inguruan dituzten hizkuntzak ikasten dituzte, bi baldintzaren baitan: hizkuntza entzuteko aukera badute eta elkarrizketetan parte hartzeko aukera badute. Eta horregatik, ezinbestekoa da ikastolan egiten dugun ahalegina hemendik kanpo ere luzatzea.

Horretarako, familien elkarlana behar-beharrezkoa denez, saioko hausnarketaz gain, ikastolatik baliabideak ere eskura jartzen dizkizuegu. Euskaraz Bizi taldeko ordezkarien eskutik programatutako ekintzak aurkeztu ziren eta, bestalde, ikastolako Hizkuntza Proiektuko lantaldeak garatutako euskarazko baliabideen bildumen site hau ere luzatu dizuegu. Hemen duzue eskuragarri:

www.labur.eus/kirikinoeuskaraz

Atzoko esperientzia aberasgarria izan dela uste dugu eta ondorengo edizioetan zuen parte-hartzea oraingoan bezain ona izatea espero dugu.

Eskerrik asko euskaraz bizitzeko urratsak ematen dituzuen guztioi, txikiak badira ere, badirelako!

Azken albisteak

2022-09-13
Uztailaren 18an Eusko Jaurlaritzak ematen dituen bekak eskatzeko epea zabaldu zen. Tramiteak egiteko epea  irailaren 30ean amaituko da eta online edo modu presentzialean kudeatzeko modua dago.
2022-06-10
Bi urte luzez ikastolako jaialdia ospatu ezinean egon ondoren, ekainaren 4an, Kirikiño Ikastolako kide garen guztiontzat egun berezi hau berreskuratu ahal izan genuen.
2022-05-14
GAI-ZERRENDA Kooperatibako lehendakariaren agurra. Kooperatibako kide batzuk izendatzea akta onesteko. Aurreko batzarraren aktaren onespenari buruzko txostena. Informazio akadem

kirikiño ezagutu nahi?

Kirikiño ikastola hezkuntza berritzaile euskalduna da, familien kooperatiba.

Banner faldoia 1