Skip to main content

ERRIGORA: Nafar hegoaldeko uzta eskutik eskura

Euskal Herria oinarri eta auzolana lanabes dituen ekimen herritarra da Errigora.

2023/03/13
errigora

Euskal Herria oinarri eta auzolana lanabes dituen ekimen herritarra da Errigora. Nafarroa hegoalde eta erdialdea du ardatz eta euskara ofiziala ez den zonaldean eragin nahi du, eremu horretakoak propio diren elikagaiei Euskal Herrian bidea emanaz, euskaratik, euskararako eta euskaraz.

Oraingo honetan ESKUTIK ESKURA kanpaina martxan jarri dute. Sarri esaten den bezala, ekoizteko erak aldatzeko bide eraginkorra izan daiteke kontsumitzeko modua aldatzea. Horretarako aukera ematen dizu "Eskutik eskura" kanpainak. Errigora Balioak dituzten produktuak eskatu eta despentsa urte guztirako betetzeko aukera ematen dizu eta, ondorioz, balio horietan modu zuzenean eragiteko. 

Eguneroko kontsumo ohituretan eragiteko jaio zen kanpaina honetan Nafarroa hegoaldeko oliba-olio birjina estra eta kontserba-sortak eska daitezke, auzolanari esker, norbere herrian ekoizlearen jatorrizko prezioan. Olioa 5 litroko bidoietan banatzen da eta kontserbak 12 ontziko sortetan, planteamendua urte osorako beste eskatzea da eta. Eskaera-epea martxoa aldera izan ohi bada ere, banaketa bi txandatan egiten dugu: apirilean olioa eta maiatza-ekainean kontserbak.

 

Eskariak egiteko, klikatu hemen.

Irudia
errigora

Azken albisteak

2024-05-17
Kirikiño Ikastolan “Eskola Jasangarriaren Ziurtagiria” lortu dugu Jasangarritasun Hezkuntzaren alde egindako lanagatik, eta ahaleginagatik.
2024-05-10
Kirikiño Ikastolak lankidetza hitzarmena sinatu du Bilbao Basket taldearekin, 3 denboraldirako.
2024-05-08
Ikastolen Elkartea osatzen dugun ikastola guztiak ekainaren 22an 7. Batzarra izango dugu. Bertan, ikastolak etorkizunera begira izango duten bide-orria eta helburu berriak aurkeztuko dira.