Juan Mari Aburto Bilboko alkateak pasaden asteazkenean, ekainaren 13an, banatu zituen Bilboko Udalak antolatutako Rafael Mikoleta Lehiaketako XXXVI. sariak.
Euskarako ipuinen lehiaketa hau Bilboko ikastetxeetako 8 eta 16 urte bitarteko ikasleentzat antolatu ohi da. Honen helburua euskarazko irakurketa eta idazketa sustatzea da, Bilboko Lehen Hezkuntzako eta Derrigorrezko Bigarren Hezkuntzako Ikastetxeetako ikasleen artean. Euskarazko ipuinen lehiaketa horren izena Rafael Mikoleta da, lehenbiziko euskal gramatika osatu zuen pertsonaren omenez. Urtero egiten da, 1988 urteaz geroztik.
Epaimahaiak 14 kontakizun saritu ditu, eta beste 11 nabarmendu. Idazkiek adingabeen sormena agertzen dute, fikziozko eta abenturazko kontakizunen bidez, edota gerra, anorexia, adiskidetasuna eta enpatia edo ausardia eta beste balore batzuk gogoetagai hartuta. Ipuin guztiak liburu batean bildu eta argitaratu dira, eta irabazleen artean ez ezik, udal ikastetxeetan eta liburutegietan ere banatuko da.
14 sari horien artean, 5 Kirikiño Ikastolara etorri dira:
| IZEN-ABIZENAK | MAILA | IPUINAREN IZENBURUA | KATEGORIA |
| OA GOENAGA GALLASTEGI | LH5B | HONDARTZA GARBIAK | B |
| JON OLEAGOITIA RUANO | LH5B | ZERRENDA LUZEA | B |
| KATIXA VILLANUEVA AGIRREGOITIA | LH4A | NESKA EUSKALDUNA | A |
| MIKEL BILBAO CUESTA | LH3C | KATU BELTZA | A |
| OIER ENCINAS LOGACHO | LH4C | DESAFINATUTAKO DIAPASOIA | A |
ZORIONAK GUZTIEI!
