Otsailaren 8an Ikastolako komunitate osoak bat egin genuen urtero egiten dugun txitxiburduntziarekin, aurtengoan bereziki esanahi handia izan duen mendi-irteeran. Ibilaldi urtea den honetan, Eguzkibegitik Kirikiñora egin genuen ibilbidea, Ibilaldiko lekukoa gurekin eramanez, bere bide bera jarraituz.
Adin ezberdinetako ikasleak, irakasle eta familia elkarrekin abiatu ginen: lehenengo autobusez Eguzkibegira, eta handik aurrera 10 kilometro inguruko ibilaldia oinez, menditik barrena, Kirikiñora iritsi arte. Eguraldiak ez zigun beti erraza jarri —tarteka euria, tarteka eguzkia— baina horrek ere ez zuen gure gogoa zapuztu.
Helmugan, ohiturari eutsiz, txorizoak erretzeko tartea izan genuen, elkarrekin egoteko eta eguna partekatzeko une ezin hobea.
Eskerrik asko parte hartu zenuten guztioi, gure kultura, gure ikastola eta gure komunitatea elkarrekin biziarazteagatik.
Argazki eta bideoak jarraian dituzue.
