Gure ikasleengan elikadura-ohitura on batzuen oinarriak hedatzea lehentasunezkoa da guretzat. Horregatik, Familia Eskolatik bi hitzaldi antolatu ditugu (bata euskaraz eta bestea gaztelaniaz) gai hori lantzeko asmoz.
Kirikiño Ikastolan elikadura osasungarriaren aldeko apustu sendoa egiten dugu. Batzuetan, jaki osasungarriak zeintzuk diren identifikatzea ez da batere erraza. Zeregin horretan laguntzeko, eta era praktiko batean, Idoia Díaz-ek elikagaien etiketak nola irakurri azaldu zigun.
Adibidez, edozein supermerkatutan aurki ditzakegun produktu errealak erabiliz, publizitate-kanpaina erakargarrietan ez erortzeko kontutan hartu behar ditugun atalak erakutsi zizkigun.
Amaitzeko, Idoiak gure seme-alabentzako hamaiketako eta askari osasungarriak prestatzeko zenbait jarraibide eta ideia eman zizkigun.
Hitzaldia: ELIKADURA OSASUNGARRIA – KIRIKIÑO IKASTOLA
