Txikipedia eskola adinean dauden haurrei zuzendutako euskal entziklopedia da.
Bigarren urtez, Ikastolen Elkarteak, Euskal Wikilarien Elkartearekin elkarlanean, erronka hau martxan jarri du. Zehazki, aurten emakumeen biografiak landu nahi dituzte, bereziki kirolarienak. Biografiak sortzeko prozesuan, ikasleek txantiloiak eta ereduak izango dituzte, eta testuak idazteko ardura izango dute.
Euskarak eta euskal kulturak sarean duen presentzia indartzea eta areagotzea da helburu, bide batez parte-hartzaileen artean konpententzia digitalaren garapena uztartuz. Izan ere, informazioaren garaian bizi garen arren euskaraz informazioa aurkitzeko zailtasunak agerian geratzen dira, eta honekin batera, gure hizkuntza minorizatuak sarean duen egoera ere bai.
Gainera,proiektu honek genero ikuspegia kontuan hartzen du, emakumeei ikusgarritasuna ematen ahaleginduko baita, historiako parte diren baina gutxi ezagutzen diren edota sarean presentzia txikia duten emakumeen biografiak osatuz. Hainbat arlotako emakume aukeratuko diren arren (musika, bertsolaritza), aurten emakume kirolariei eman nahi zaie nabarmenkeria.
