Josu Bergara, ikastolako aita musikaria, ikastolan izan da haur hezkuntzako 4. mailan musika saio berezi bat emateko. Josuk maraka batzuk nola egin eta horiekin erritmo ezberdinak eramaten irakatsi die.
Gainera, Josuk hainbat instrumentu ekarri ditu gure txikiei erakusteko: gitarra bat, ukelele bat, harmonika bat…
Tailer honi amaiera emateko, Josuk, bere gitarrarekin batera, hainbat abesti jo dizkie. Zenbat gozatu duten bere musikaz! Gure txiki guztiak dantzan, kantuan eta erritmoari jarraituz hasi dira marakak astintzen.
Eskerrik asko Josu!
Nola egin eskulan hau?
- Hartu komuneko paper tutua
- Mutur bat zeloz itxi
- Barruan arroz pixka bat sartu eta beste muturra zeloz itxi
- Nahi duzun kolorez apaindu!
