Skip to main content

UKRAINARAKO PREMIAZKO PRODUKTUEN BILKETA SOLIDARIOA ALDI BATERAKO ETENDA

Kirikiño Ikastolako familiak buru-belarri aritu dira Ukrainak bizi duen egoerari aurre egiteko elkartasuna adieraziz.

2022/03/17
Ukrainarako produktuen bilketa solidarioa

Joan den martxoaren 8an, Ukraniara bidaltzeko materialak eta artikuluak biltzeko gune bat prestatu genuen ikastolan bertan. Ordutik, Ukrainako herriari laguntzeko asmoz Kirikiño Ikastolako familiak premiazko artikuluez gainezka ikastolara hurbildu dira: janaria, pixoihalak, mantak, higienerako gaiak…

Hainbestekoa izan da erantzuna, non Ukrania-Euskadi elkarteak material-bilketa behin-behinean etetzeko eskatu diguten.

Ukrania-Euskadi elkarteko kideak eta bolondresak atsedenik gabe lan egiten dute jasotzen ari diren artikuluak kudeatzeko, baina Mungian duten biltegia jadanik beteta dagoela eta biltegiratzeko lekurik ez dutela adierazi digute. Hori dela eta, momentuz ikastolan artikulu guztiak gordeko ditugu.

Ukrania-Euskadi elkartea material guztiak biltzeaz eta modu seguruan mugara eramateaz arduratuko da. Bertan, laguntza hori behar dutenen artean banatzeko bolondresak egongo dira.

Ukrania-Euskadi elkartearen izenean, zuen ekarpenak eskertu nahi dizkizuegu Ukrainako familien egoera hobetzeko nahian.

Elkartasuna da herrien arteko maitasuna.

Azken albisteak

2024-05-17
Kirikiño Ikastolan “Eskola Jasangarriaren Ziurtagiria” lortu dugu Jasangarritasun Hezkuntzaren alde egindako lanagatik, eta ahaleginagatik.
2024-05-10
Kirikiño Ikastolak lankidetza hitzarmena sinatu du Bilbao Basket taldearekin, 3 denboraldirako.
2024-05-08
Ikastolen Elkartea osatzen dugun ikastola guztiak ekainaren 22an 7. Batzarra izango dugu. Bertan, ikastolak etorkizunera begira izango duten bide-orria eta helburu berriak aurkeztuko dira.