Kirikiño Ikastolan konpetentzietan oinarritutako heziketa dihardugu eta horren baitan LH6ko ikasleek proiektu multidisziplinar bat sortzen dute urtero. 6. mailan giza eskubideak, oinarrizko premiak eta bizi kalitatea aztertzen ibili dira eta, ikasitakoa borobiltzeko, azoka solidario bat antolatu dute.
Azokan jostailu, arropa, liburu eta pintxoak jarri dituzte salgai LHko ikasle guztientzat, eta baita LH6ko familientzat. Horrez gain, otzara batzuen zozketarako boletoak ere egon dira salgai. Era berean, Erik-en familiak jarri duen kontu korrontean dirua sartzeko aukera luzatzen dute, beheko kartelean ageri den bezala.
Maila bakoitzak diru kantitate txiki bat ekarri du gaur, nahi izan dutena erosteko.
Lortutako diru guztia Erik Villarroeli laguntzeko izango da. Erik 17 urteko mutil bat da eta 2022ko abenduan istripu bat izan zuen lagunekin jolasten zebilela. 6 hilabetez koman egon zen eta orain behar duen tratamendua ordaintzen laguntzea da gure helburua.
