Aurten, Ibilaldia 2026ko kanta nork sortu eta nork interpretatuko duten ezagutzera eman dugu, eta momentu berezgarri horren aurkezpen-ekitaldia martxoaren 3an, 19:00etan, ospatuko dugu Bilboko Arriaga Antzokian. Aurtengo abestia gure ikasle ohiek sortu dute, gaur egun euskal musikaren panoraman erreferente diren hiru taldetako kideek: Aiora Renteria (Zea Mays), Unai Madariaga (EZEZEZ) eta Jon Fernández, Andoni Barinaga-Rementeria eta Iñigo Guemes (Txopet).
Proiektu honek gure komunitatearen belaunaldien arteko lotura eta konpromiso partekatua nabarmendu nahi du. Aurkezpen-ekitaldian, gure ikasle ohiek izango dute protagonismoa: Imanol Ituiño magoa eta Amaia Usandizaga eta Ainhize Vega kazetariak arduratuko dira aurkezle lanetan.
Ekitaldian, gainera, gure ikasleek parte hartuko dute dantzan, kantaren bideoklipean eta bestelako emanaldi artistikoetan.
Inoiz baino pozago gaude: gure ikasle ohiak, gaurko ikasleak eta gure komunitatea elkarrekin Ibilaldia ospatzeko prest egongo dira!
Xehetasun praktikoak
Data: martxoak 3, asteartea
Ordua: 19:00
Lekua: Arriaga Antzokia (Bilbo)
Sarrerak: Arriaga Antzokiko ohiko txarteldegietan, aurrez aurre zein online (erosi hemen)
Prezioak:
Nagusiak: 5 €
Adingabeak: 3 €
Ez galdu aukera hau gure komunitatearekin batera momentu berezi hau bizitzeko!
