Euskararen astea dator eta horrekin batera Kirikiño Ikastolan ekintza ezberdinak izango ditugu. Jarraian, aste horren ospakizunei hasiera emateko, datorren asteburuan antolatu ditugun ekintzen berri eman nahi dizuegu eta horietan parte-hartzera animatu. Apirilaren 2an, larunbatean, bertso-kalejira eta afaria egingo dugu eta apirilaren 3an, igandean, Kirikiño Ikastolako euskal dantza taldekoak berriro ere kalera irtengo gara Euskararen Asteko “Dantzari Txiki” agerraldian parte hartzeko. Jarraian ekintza bakoitzaren zehaztasunak dituzue gorde zuen agendetan eta etor zaitezte!

Hezkuntza berrikuntza belaunaldi berriak inspiratzeko

DBHko 4. mailako ikasleentzako orientazio-planaren barruan, Kirikiño ikastolak Kirikafearen 6. edizioa antolatu du, Estatu Batuetako WorldCafe metodologian oinarritutako jarduera. Metodologia honek elkarrizketarako eta gizarte-ikaskuntzarako sare informalak eta elkarlanekoak sortzea ahalbidetzen du.

Joan den martxoaren 8an, Ukraniara bidaltzeko materialak eta artikuluak biltzeko gune bat prestatu genuen ikastolan bertan. Ordutik, Ukrainako herriari laguntzeko asmoz Kirikiño Ikastolako familiak premiazko artikuluez gainezka ikastolara hurbildu dira: janaria, pixoihalak, mantak, higienerako gaiak…

Hainbestekoa izan da erantzuna, non Ukrania-Euskadi elkarteak material-bilketa behin-behinean etetzeko eskatu diguten.

Dagoeneko argitaratu dira 2022/2023 ikasturterako Batxilergoko matrikulazio epeak. Eskaerak martxoaren 28tik apirilaren 8ra aurkeztu ahal izango dira, online edo ikastolan bertan, 08:30etatik 17:00etara, Gabriel Arestiko idazkaritzan.

Aurkeztu beharreko dokumentuak:

Urtero bezala Nafarroako kalitatezko produktu ekologiko zein konbentzionalak izango dira eskuragarri: oliba-olio birjina estra, kontserbak, pasta, arroz eta lekaleak.

Zer da Errigora?

Euskal Herria oinarri eta auzolana lanabes dituen ekimen herritarra da Errigora. Nafarroa hegoaldea du ardatz eta euskara ofiziala ez den zonaldean eragin nahi du, eremu horretakoak propio diren elikagaiei Euskal Herrian bideaemanaz, euskaratik, euskararako eta euskaraz.

Josu Bergara, ikastolako aita musikaria, ikastolan izan da haur hezkuntzako 4. mailan musika saio berezi bat emateko. Josuk maraka batzuk nola egin eta horiekin erritmo ezberdinak eramaten irakatsi die.

Gainera, Josuk hainbat instrumentu ekarri ditu gure txikiei erakusteko: gitarra bat, ukelele bat, harmonika bat…

Tailer honi amaiera emateko, Josuk, bere gitarrarekin batera, hainbat abesti jo dizkie. Zenbat gozatu duten bere musikaz! Gure txiki guztiak dantzan, kantuan eta erritmoari jarraituz hasi dira marakak astintzen.

Eskerrik asko Josu!

 

Kirikilekuak bi txandatan antolatzen dira. Lehenengo txanda apirilaren 11tik 13ra izango da eta bigarrena apirilaren 19tik 22ra. Gurasoek haurren izenak eman ditzakete Kirikilekuetara joateko, bai aste baterako, bai bietarako, edota baita egun solteetarako ere, familia bakoitzaren beharren eta nahien arabera.

Zuen seme-alabek jarduera dibertigarri eta ludiko ugariz beteriko aste santuaz gozatuko dute ingurune euskaldun, ezagun eta seguru batean.

Irteera honen distantzia 6 kilometrokoa izango da. Ibilbidea Oletan hasiko gara, gero Ollargan (843m) igo eta handik Urkiolara joango gara.

Txangoa amaitu ondoren, txorizo jango dugu! Txitxiburduntzi eguna elkarrekin ospatuko dugu!

Txitxiburduntzi eguna garizuma aurretik ospatzen zen Euskal Herriko ohitura zaharra da. Egun horretan jendea mendira joaten zen, sua piztu, makilatxo batez burruntzia egiten zen, eta gero txorizoa, txistorra, zein beste txerrikiak sutan prestatzen ziren.

Gaur egun tradizio hau gure ikastolan bizirik dago.

Txikipedia eskola adinean dauden haurrei zuzendutako euskal entziklopedia da.

Bigarren urtez, Ikastolen Elkarteak, Euskal Wikilarien Elkartearekin elkarlanean, erronka hau martxan jarri du. Zehazki, aurten emakumeen biografiak landu nahi dituzte, bereziki kirolarienak. Biografiak sortzeko prozesuan, ikasleek txantiloiak eta ereduak izango dituzte, eta testuak idazteko ardura izango dute.

Gure jantokiko menuak eskola-jantokietako irenste-azterketan emaitza ona lortu du. Azterlan hau Eusko Jaurlaritzako Osasun Sailak burutu du, Eskola-jantoki osasungarrien proiektuaren barnean.

Azterlan honen landa-lana 2021eko lehen hiruhilekoan 100 ikastetxe ingurutan egin zen, eta horien artean Kirikiño Ikastola zegoen.

Elikagai osasungarrien kontsumoa areagotzera bideratutako hobekuntza batzuen eragina baloratzea zuen helburu.