800.000 euro inguru banatu ziren abenduaren 1eko Batzar Nagusian, eskaera egin zuten zortzi ikastolen artean. Hauek izan ziren Euskal Herriko 113 ikastolek Elkartasun Kutxan aurten jarri duten diruari esker 2023. urtean laguntza jasoko duten ikastolak: Senpereko Kolegioa, Kanboko Ikastolen Etxea, Tuterako Argia ikastola, Lodosako Ibaialde ikastola, Argantzon Ikastola, Bastida Ikastola, Bilboko Harrobia Ikastola eta Hernaniko Aratz ikastola. 

Joseba Arrieta Txertudi, ikastolako lehendakari eta gerente ohia, hil egin da, 2022ko azaroaren 30ean.

Aurten, urtero bezala, Ikastolen Elkarteko Aisiola hezitzaile eskolak aisialdiko hezitzaile ikastaroa eskainiko du ikastolan. Ikastaro honen bitartez, aisialdiko esparruan jarduteko trebetasun aberasgarriak lortzen dira, horien artean, talde dinamikak, ikasleen arteko elkarrekintzak, naturako baliabideen erabilerak...

310 orduko (150 teoriko eta 160 praktiko) iraupena duen ikastaroa da eta bi ikasturtetan zehar egiten da, hau da, 2023ko urtarrilean hasi eta 2024ko maiatzean bukatuko dugu.

• Azaroarenm 24ean EUSKARAREN TOURRA prestatu dute Santutxutik. Euskarak auzoan izandako historiaz zerbait jakin nahi baduzu eta garai hartako bizipenak protagonisten ahotik entzun, Santutxuko bisita gidatura joatea gomendatzen dizuegu. San Frantziskito elizan hasiko da 19:00etan.

Aurten ere, Kirikiño Ikastolak, gabonetako oporretan Kirikilekuak martxan jarriko ditu, Haur Hezkuntza eta Lehen Hezkuntzako haurrentzat.

Abenduaren 26tik Urtarrilaren 5era irekiko ditugu ateak. Hauen helburua zuen seme-alabek gabon oporretan ikastolako espazioak erabiliz aisiaz gozatzea izango da, ikastolako hezitzaile taldearekin batera inguru seguru batean.

Ikastolak Herriari ekimenaren 3. ekitaldia ospatuko da azaroaren 25ean. Ekitaldi honetarako prestatu den ikuskizuna Jaso Ikastolaren SUTAN musikala da, eta berarekin batera, Iruñeko Gazte Orkestraere arituko da.

Islandian taularatu ostean, musikalak Iruñea, Tutera eta Donostia bisitatu ditu, eta azken tanpan, Bilbora iritsiko da, bere 10. urteurrena orkestrarekin batera ospatzeko asmoz.

SINOPSIA:

Euskararen erabilera sustatzeko helburuarekin, Bilboko Udalaren Euskara eta hezkuntza arloak eta Bizkaiko Foru Aldundiaren Euskara Zuzendaritza Nagusiak bultzatuta, “BILBOKO IX. BERBAGUNEA” antolatu da gaur, Bilboko Azkuna Zentroan.

Ekimen honen urteroko erronka euskaldunek eta euskalduntze prozesuan dabiltzanek euskaraz aritzeko aukera izatea da, eta bide batez, Bilbon euskararen erabilera indartzeko ahalegina egitea.

Aurreko astearte arratsaldean ikastolako Euskaraz Bizi gunean familiekin bildu ginen euskarari buruzko hausnarketa saioa egiteko. Ikasleen hizkuntz gaitasunetan eragina duten faktoreak aztertu eta gure esku ditugun aukerez baliatzeko ekarpenak modu parte-hartzailean egin genituen dinamika baten bidez.

Ikastolan oso argi daukagu, ikastolako jarduneko esparruetan ezezik, aisiaren une eta guneak euskararen alde ustiatzea ezinbestekoa dela. Eta zeregin horretan Euskaraz Biziren eskutik laguntza ezin hobea daukagu. 

Aurten ere, indartsu eta gogotsu, kartelean agertzen diren ekintzen antolakuntza murgildu gara. Bertan ikus dezakezue hemendik eta abendura artean izango ditugun aukera eta ospakizun ezberdinak. Gure webguneko agendan ere ekintza hauek topatuko dituzue eta datak hurbiltzen diren heinean zehaztasun gehiago izango dituzue.