Bi urte luzez ikastolako jaialdia ospatu ezinean egon ondoren, ekainaren 4an, Kirikiño Ikastolako kide garen guztiontzat egun berezi hau berreskuratu ahal izan genuen.

11:00etan ekitaldiz betetako egunari hasiera eman genion: umeentzako tailerrak, puzgarriak, paella lehiaketa, Tor Magoa, errealitate birtualezko betaurrekoak, DJ Kaktus… Handiak zein txikiak jarduera guzti hauetaz asko gozatu genuen!

Egun bikaina lagunen artean! Gora Kirikiño!

Datorren ikasturterako eskolaz kanpoko jardueren eskaintza prest daukagu. Aurten gure eskaintza zabaldu dugu, 6 jarduera berri gehituz, askotarikoa izan dadin eta gure ikasleen eskariei erantzun ahal izateko.

Jarduera berriak hauek dira:

2021-2022 ikasturtea amaitzear daukagu eta merezi duen amaiera emateko Ikastolako astea berreskuratu nahi izan dugu.

Ostegunak FRUTEGUENAK dira Kirikiño Ikastolan. Astero ikasleak hamaiketakorako fruta ekartzera animatzen ditugu. Ostegun batzuetan, eta haiek jakin gabe, Lehen Hezkuntzako gela guztietatik pasatzen gara, eta fruta gehien ekarri duen klaseak saria irabaziko du: fruta-brotxeta goxo bat. Hamaiketako osasungarria sustatzeko modu dibertigarria!

Betidanik ikasleek eta familiek ekimenari oso harrera ona egin diote, horrexegatik aurten HHko txikitxuen artean ere zabaltzea erabaki dugu.

Frutak gure osasunerako propietate onuragarri asko ditu, besteak beste: