| Kirikiño Ikastola

EUSKARA MILA KOLORETAN: ARTEAK ERE EGIN DU BERE IBILALDIA

Lehen aldiz antolatu den “Euskara Mila Koloretan” pintura lehiaketak artea, euskara eta komunitatea batu ditu Ibilaldia 2026ren baitan. Haur, gazte eta helduek euren sormenaren bidez islatu dituzte Ibilaldiaren giroa, euskal kultura eta komunitatearen bizitza, lehen edizio arrakastatsu bati kolorea emanez. 🎨💜🛹

Ibilaldia 2026 iruditan

Ikastolatik hirira, eta hiritik Euskal Herrira: Ibilaldia iruditan

Ibilaldiaren eta auzolanaren indarrez Bilboko bihotzak euskaraz arnastu du

Euskalgintza sozialaren eta erakunde publikoen arteko indarrak batzera deitu dute ikastolek, euskararen biziberritzean jauzi berri bat egiteko.

Eskerrik asko!

KIRIKIÑO IKASTOLA, KOOP. ELKARTEAREN BATZAR OROKOR ARRUNTERAKO DEIALDIA

2026ko ekainaren 9an du KIRIKIÑO IKASTOLA, KOOP. E.ak bere Batzar Orokor Arrunta.

“Herria dantzan, Ibilaldia martxan”: martxan jarri dugu Ibilaldia 2026!

Kirikiño Ikastolan “Herria dantzan, Ibilaldia martxan” jaia antolatu dugu maiatzaren 8rako, Bilboko Abandoibarran, Ibilaldia 2026ri hasiera emateko. 18:00etatik aurrera, hiru gunetan banatutako egitarau oparoa eskainiko dugu: musika, dantza, bertsolaritza, abesbatza eta erromeria giroa izango dira protagonista. Arratsalde osoan zehar kaleak euskal kulturaz beteko ditugu, komunitatea aktibatu eta elkarrekin gozatzeko. Zatoz eta jar dezagun martxan Ibilaldia 2026!

“Kirikiño eta patinete magikoa”: gure historiaren eta etorkizunaren kontakizuna

Ibilaldia gero eta gertuago dugu, eta bide horretan, pausu berezi bat partekatu nahi dugu komunitate osoarekin: “Kirikiño eta patinete magikoa” ipuina.

Ipuin hau ez zen edozein momentutan aurkeztu: Ibilaldiko kantaren aurkezpen egunean estreinatu zen, Bilboko Arriagan, giro berezi eta esanguratsu batean. Ez da kasualitatea, izan ere, ipuinak eta kantak hari beretik tiratzen dute, mezu bera partekatuz.