Skip to main content

Abenduaren 27an, Bilbao Arena euskaltzalez betetzera dei egin du Ikastolen Elkarteak

Pizkundea
Euskarak eta euskal hiztun komunitateak bizi duten larrialdi linguistikoaren aurrean, Euskalgintzaren Kontseiluak ‘Euskaraz bizitzeko Pizkundea’ ekitaldia antolatu du abenduaren 27rako, 17:00etan, Bilbao Arenan. Ekitaldi honek urteetan metatutako kezka eta eskakizunei erantzun kolektibo bat eman nahi die: etsipenetik urrundu, eta indarraldi berri bati ateak zabaltzea, euskaraz bizitzeko nahia eta konpromisoa agerian utzita.

Kirikiño Ikastolak "Geurea erabil dezakezu" ekimena Bilboko 65 saltoki baino gehiagorekin elkarlanean sustatzen du.

Gurea erabili dezakezu

Kirikiño Ikastolako "Altxa Burua" batzordeak "Geurea erabil dezakezu" ekimena abiarazi du 2025eko abenduan, Txurdinagako Merkatarien Elkartearekin eta auzo horretako beste merkatari batzuekin elkarlanean. Kanpaina honen helburua da erakusleihoetan pegatina bat duten tokiko saltokiak identifikatzea, hala eskatzen duten adingabeak deiren bat egin behar badute sar daitezen. Proiektuak harrera bikaina izan du Txurdinagako merkatarien artean, eta orain arte 67 saltoki atxiki dira.

Ibilaldiko neguko bilduman kiribila protagonista! Buelta bakoitzean euskararen aldeko urrats berria ematen duen kiribila

kiribila
Hotza eta euria bertan ditugunean Ibilaldiko neguko bildumako produktuak heldu zaizkigu goxo-goxo aurre egin ahal izateko neguari. Produktu berriek Ibilaldiko udako bilduma osatzera datoz eta kiribila dakarte protagonista, buelta bakoitzean euskararen aldeko urrats berria ematen duen kiribila irudituz hain zuzen ere.
Subscribe to