Joan den larunbatean, maiatzaren 31n, ospakizun handia izan genuen Kirikino Ikastolan: IKASTOLAKO JAIALDIA. Egun osoko egitaraua prestatu genuen, eta familiek, ikasleek eta irakasleek elkarrekin gozatzeko aukera paregabea izan zuten.
Ibilaldia 2026 gero eta hurbilago dago, eta aurrera jarraitzen dugu lanean! Maiatzaren 31n, gure Ikastolako Jaialdian, gure lelo eta logo izango direnak aurkeztu genituen!
Aurkezpena Imanol Ituiño mago eta gure ikasle ohiaren eskutik etorri zen. Magiaren bidez, une berezi eta hunkigarria sortu zuen, komunitate osoak elkarrekin partekatzeko modukoa. Zorionak eta mila esker, Imanol!
Azaroa bukaeran jantokian neurketa berezi bat burutu genuen Agenda 2030eko Ekotaldearen eskutik gure ikastolako elikagaien aprobetxamendua hobetzeko asmoz: xahutzen diren jakien hondakinak pisatu zituzten. Neurketa horren emaitzak aztertu ditugu eta horren gaineko hausnarketa egitera gonbidatu nahi zaituztegu. Izan ere, neurketa horren datuen arabera, ikasle bakoitzaren batazbesteko jakien eguneko xahuketa 74,03g-koa da. Datorren astean bigarren neurketa bat burutuko dute, hobekuntzarik egon den ikusteko.
Gure kooperativaren estatutu sozialen 24. artikuluan ezarritakoaren arabera, artezkaritza-kontseiluak deialdia egiten du KIRIKIÑO IKASTOLA, KOOP E.aren batzar arrunterako; batzarra honetara egingo da:
Eguna: 2025eko maiatzaren 26an (astelehena).
Ordua: 18:00, lehenengo deialdian, 18:30, bigarren deialdian, 19:00, hirugarren deialdian.
Tokia: Sozietatearen egoitza (Ikastola). Gabriel Aresti etorbidea, 22. zk.
Ikastolako astea heltzear dago eta horrekin batera ekintza ezberdinak izango ditugu. Jarraian ekintzen zehaztasunak dituzue, gorde zuen agendetan eta etor zaitezte!
MAIATZAK 26 - BATZAR OROKORRA
Apirilaren 11n, oporren aurretik, Kirikiño Ikastolako LH6ko ikasleek merkatu solidarioa antolatu zuten, elkartasunaren balioa praktikan jarriz. Bigarren eskuko materiala eta etxean prestatutako produktu ugari saldu zituzten, ikasle, familia eta irakasleen artean giro bikaina sortuz.
Ekimen honen bidez bildutako dirua Euleuk eta Eskerrak ahulak garen elkarteetara bideratuko da, egiten duten lan baliotsua babesteko.
Eskerrik asko parte hartu zenuten guztioi!
Gure Ikastolak urrats garrantzitsua egin du ingelesaren ikaskuntzan: hemendik aurrera, Oxford Test of English azterketen egoitza ofiziala izango gara. Honek aukera paregabea eskaintzen die gure ikasleei: ingeles mailaren ziurtagiri ofiziala eskuratu ahal izango dute, hemen bertan, ikastolan.
Apirilaren 2an, azterketa honen inguruko online bilera informatiboa antolatu genuen. Bertan, Oxfordeko azterketaren ezaugarri nagusiak azaldu ziren:
Joan den igandean, Santutxuko Karmelo plazan ospatu zen Euskal Dantzen Agerraldia, eta gure ikastolako ikasleek parte hartu zuten Gaztedi, Salbatore eta Begoñazpiko dantza taldekoekin batera.
Jantzi tradizionalekin eta dantzatzeko gogoz, gure ikasleek euskal kultura bizirik mantentzeko konpromisoa erakutsi zuten bete-beteta egon zen plazan. Giro alaia, kolorez beteriko jantziak eta musikak bat egin zuten egun berezi honetan.
Patronato nesken taldea (infantilak "e"), Jesus Ituño entrenatzaile eta federazioko zuzendari teknikoaren babesarekin, denboraldi bikaina egiten ari da, eta bere ligan bigarren postuan sailkatzea lortu du. Horri esker, Bizkaiko txapelketa jokatzeko aukera izango dute, eta albiste pozgarria da: Kirikiñoko kiroldegia izango da ekitaldi honen egoitza!