Bilboko Europa Parkea izan zen pasa den igandean IBILKROSAREN topagunea. Kirikiño Ikastolak eta Sendoa Atletismo Klubak elkarlanean antolatutako ekimenak 300 lagunetik gora bildu zituen, eta parte-hartzaile guztiek kirola, familia eta euskarazko festa uztartu zituzten goiz osoan zehar.
Gure ikastolan jaio zen "Liburuen errepublika txikia" podcasta, eta gaur egun Bilbo Hiria irratiaren bitartez emititzen da.
Ibilaldiarekin lotutako ekimenak antolatzen hasi gara dagoeneko eta badugu lehen ekintza izango denaren berri.
Irailaren 28an, igandean, IBILKROSA ospatuko dugu.
Dortsalak egunean bertan emango dira Kirikiño Ikastolako Gabriel Arestiko eraikinean, lasterketa baino lehen.
Zuen arropak bertan gordetzeko zerbitzua eskainiko da.
Abuztuan Eusko Jaurlaritzak ematen dituen bekak eskatzeko epea zabaldu zen. Tramiteak egiteko epea urriaren 6an amaituko da eta online zein modu presentzialean kudeatzeko modua dago.
Euskarabentura 16 eta 17 urteko gazteei zuzendutako udaleku parte-hartzaile eta ibiltaria da, euskaraz bizitzeko esperientzia paregabea eskaintzen diena. Parte-hartzaileek uztail osoa Euskal Herria oinez zeharkatzen dute, herriz herri, esperientzia kulturalak eta aisialdiko jarduerak partekatuz. Helburua gazteen artean euskara bizitzeko gogoa piztea, harreman berriak sortzea eta euskararen erabilera sustatzea da giro motibatzaile eta atseginean.
Kirikiño Ikastolak antolatuko du 2026ko Ibilaldia, Bizkaiko ikastolen urteroko jaia. Hitzordua 2026ko maiatzaren 31n izango da, Bilbon bertan, eta jaialdi honek Kirikiño Ikastolaren historiarekin eta helburuekin bat egiten du erabat: euskara, hezkuntza, komunitatea eta herrigintza uztartzen dituen proiektu bizia izango da.
Ibilaldiaren 48. edizioa Bilbora itzuliko da
Kirikiño Ikastolan "Altxa Burua" proiektuak martxan jarraitzen du, teknologia digitalen, batez ere smartphonen, gehiegizko erabilpenak eta erabilpen desegokiek sortzen duten kezkei aurre egiteko.
2024/2025 ikasturtean zehar hainbat ekintza egin dituzte.
Familien artean kontzientzia sortu dute, informazioa eta berriak eskainiz.
Pasa den larunbatean, auzolan eguna ospatu genuen Kirikiño Ikastolan, Ibilaldia 2026ren harira. Guraso, ikasle, langile eta lagun asko bildu ginen elkarrekin mural bat margotzeko, Ibilaldiaren logo eta leloarekin, eta ikastolako ingurua txukuntzeko.
Giro aparta izan genuen: auzolana, koloreak eta elkarlana nagusi izan ziren goiz osoan zehar. Horrelako ekimenei esker gure komunitatea indartzen da eta gure espazioak zainduta mantentzen ditugu.
Eskerrik asko parte hartu zenuten guztioi, artista hutsak zarete!
Juan Mari Aburto Bilboko alkateak pasaden asteazkenean, maiatzaren 23an, banatu zituen Bilboko Udalak antolatutako Rafael Mikoleta Lehiaketako XXXVII. sariak.