Euskararen erabilera sustatzeko helburuarekin, Bilboko Udalaren Euskara eta hezkuntza arloak eta Bizkaiko Foru Aldundiaren Euskara Zuzendaritza Nagusiak bultzatuta, “BILBOKO IX. BERBAGUNEA” antolatu da gaur, Bilboko Azkuna Zentroan.
Ekimen honen urteroko erronka euskaldunek eta euskalduntze prozesuan dabiltzanek euskaraz aritzeko aukera izatea da, eta bide batez, Bilbon euskararen erabilera indartzeko ahalegina egitea.
Aurreko astearte arratsaldean ikastolako Euskaraz Bizi gunean familiekin bildu ginen euskarari buruzko hausnarketa saioa egiteko. Ikasleen hizkuntz gaitasunetan eragina duten faktoreak aztertu eta gure esku ditugun aukerez baliatzeko ekarpenak modu parte-hartzailean egin genituen dinamika baten bidez.
Ikastolan oso argi daukagu, ikastolako jarduneko esparruetan ezezik, aisiaren une eta guneak euskararen alde ustiatzea ezinbestekoa dela. Eta zeregin horretan Euskaraz Biziren eskutik laguntza ezin hobea daukagu.
Aurten ere, indartsu eta gogotsu, kartelean agertzen diren ekintzen antolakuntza murgildu gara. Bertan ikus dezakezue hemendik eta abendura artean izango ditugun aukera eta ospakizun ezberdinak. Gure webguneko agendan ere ekintza hauek topatuko dituzue eta datak hurbiltzen diren heinean zehaztasun gehiago izango dituzue.
Gure ikastolan KiVa programa abian jarri dugu!
KiVa bullying edo eskola-jazarpenaren aurkako programa da. Finlandiako Hezkuntza Ministerioak finantzatu eta Turkuko Unibertsitateak sortu eta garatutako eredu bat da, eskola-jazarpena murriztea xede duena. Frogatuta dago: KiVa-k eskolan jazarpena murrizten du eta ongizatea hobetzen du!
Gaurko egunean, KiVa eguna ospatu dugu Kirikiñon eta programa berezia izan dugu honekin lotuta. Beste batzuen artean ikastola KiVa kolorez jantzi dugu eta hona hemen atera ditugun argazki bilduma.
Uztailaren 18an Eusko Jaurlaritzak ematen dituen bekak eskatzeko epea zabaldu zen. Tramiteak egiteko epea irailaren 30ean amaituko da eta online edo modu presentzialean kudeatzeko modua dago.
ONLINE: Hezkuntza Sailaren web orri honetan informazio guztia duzue eta tramitea online egiteko aukera ere.